Орыс тілінде-
Атышулы исламға қарсы мазмұндағы «әлеуметтік» жарнама бастапқыда Нью-Йорктегі метрополитен станциясында пайда болды. Енді бұл Чикагодағы автобустарда байқалды. Ол мұсылман және иудея көшбасшыларының наразылығын тудырды.
«Бұл науқанның барлығы мұсылмандар күш көрсетуге бейім деген жалған идеяны көтереді», - дейді қала істері бойынша Иудеялық кеңестің бағдарлама директоры Асаф Бар-Тура. Бұл туралы Chicago Tribune хабарлайды.
Джихадты варварлыққа теңеген жарнамалық плакаттар чикаголық көлік ведомствосының автобустарында пайда болды.
«Өркениетті адам мен жабайы адамның арасындағы кез келген соғыста өркениетті адамға қолдау білдіріңіздер», - деп келтірілген плакаттардың бірінде.
«Копттарды қолдаңдар. Джихадты жеңіліске ұшыратамыз», - деп жазады өзге плкаттағы жарнама авторлары. Олар Мысырдағы мұсылмандар мен копттардың арасындағы алауыздықты көрсетеді.
Жарнаманың демеушісі белгілі исламға қарсы қайраткер, израилдік қоғамдық ұйымның жетекшісі Памела Геллер болды.
Елімізде тіркелген діни бірлестіктердің қаржылық қызметі халық үшін ашық болуы тиіс.
Written by Super UserБүгін Астанада өтіп жатқан Қазақстан дінтанушыларының II форумында ҚР Дін істері агенттігінің төрағасы Қайрат Лама Шариф осылай деп мәлім етті, деп хабарлайды BNews.kz тілшісі.
«Бірқатар діни бірлестіктер қызметінің қаржылық жағының ашықтығы күмән тудырады. Сондықтан діни ұйымдардың қаржы-шаруашылық қызметін заң талаптарына сай тәртіпке келтіру қажет», - деп атап өтті Лама Шариф.
Оның айтуынша, бұл мәселені зерттеу Тәуелсіздігімізді алған алғашқы жылдары Қазақстанға дін уағыздаушы шетелдіктердің ағылып келгенін көрсеткен. Оларға белгілі бір мүддені көздеген шетел азаматтары қомақты қаржылық қолдау жасаған.
«Шетелдік миссионерлердің басты мақсаты - өз қатарларына біздің азаматтарды, оның ішінде, әсіресе, жастарды тарту болды. Жастардың жаңаны білуге деген ынтасын пайдалана отырып, діни жетекшілер әр түрлі білім беру курстары мен материалдық игіліктерді ұсына отырып, олардың қызығушылығын оятуға тырысады», - деп толықтырды ол.
Елімізде діни бірлестіктердің қаржы-шаруашылық қызметі 2001 жылы қолданысқа енгізілген «Коммерциялық емес ұйымдар туралы» заңмен реттеледі. Осы заңға сәйкес, діни бірлестіктер коммерциялық емес ұйымдар болып табылады.
«Кейбір діни бірлестік жетекшілерінің халықтан түсетін қаржыны мақсатсыз жұмсайтынына да көңіл аудару керек. Өкінішке орай, кейбір адамдар үшін діни қызмет аз табыс әкелмейтін кәсіпке айналып отыр. Сондықтан ресми тіркелген діни бірлестіктердің қаржылық қызметтерін ашық жүргізгендері абзал. Бұл өз кезегінде халықтың оларға деген оң көзқарасын қалыптастыруға ықпал етеді», - деп тоқталды өз сөзінде агенттік төрағасы.
BNews.kz
