19 қаңтар күні Петербургте діни сенімдер бойынша өзін емдеуге мүмкіндік бермеген науқастың кезекті жабайы өлімі орын алды. Жоғарғы білімді 22 жастағы жас адам «Иегова куәгерлері» насихаттайтын діннің талаптарына жүгіне отырып, қан құбдан бас тартты.

Экстремизмге қарсы күрес бойынша орталық прокуратура мен тергеу комитетіне тиісті материалды жіберуге уәде етті, ал редакцияға марқұмның соңғы сөздері жазылған үнжазбасының мағынасы түсті.

«Орта ғасырда өмір сүріп жатқан жоқпыз...»

22 жастағы Виталий Бодин бірнеше күн бұрын ауыр диагнозбен жедел жәрдем арқылы И.П.Павлов атындағы мемлекеттік медициналық университетке түсті. Жас балаға қан құю қажет болды, алайда ол үзілді-кесілді қарсылық білдірді. Ол дәрігерлерге «медициналық араласуға қатысты сенімхат пен разылығын білдірді», онда өз өкілі ретінде анасы («Иегова куәгерлерін» жақтаушы) және «Иегова куәгерлері» діни тобының жетекшісі Юрий Мельниковты көрсетті.

Мельников бүкіл уақыт бойы науқастың төсегінің қасында отырды және емделуде бас тарту шешіміне қолдау білдіріп отырды. Ол оның арты неге апарып соғатынын ескермеді. Оның үстіне науқас – жоғары білімді жас жігіт өзінің ұстанымында мығым тұрды. Дәрігерлердің айтуынша, ол өзінің шешімін өзгерту үшін қадам жасаған әкесі мен ағасына көнбеген.

Оның үстіне, науқасқа РФ ІІМ МБ-нің экстремизмге қарсы орталықтың қызметкерлері де келіп, оның сандырақтығына және мұндай әрекеттің қауіпті екенін сендіругі тырысып бақты. Бірақ ештеңеге қол жеткізе алмады.

«Э» орталығының қызметкерлері баспасөзге ресми хабар таратудан бас тартты. Үнтаспасыз, өзінің фамилиясын айтпаған офицер былай деді:

— Жабайы оқиға, біз оны былай қалдыра алмаймыз. Жасөспірімді медициналық көмектен бас тартуға көндіріп баққан адамдардың әрекетінде айқын қылмыстық құрам жоқ, осыған байланысты қылмыстық белгілерді табуға рапорт жаза алмаймыз. Алайда біз прокуратура мен тергеу комитетіне жіберуге материал дайындап жатырмыз. Олар шешім қабылдасын, прокурорлық әрекет ету шараларын қолдансын. Заңнамалық бастама көтерсін. Олардың мұндай құқықтары бар. Біз орта ғасырда өмір сүріп жатырған жоқпыз. Мұндай жабайылықты тоқтату қажет...

Милицияда өз уақытында емдеуден бас тарту арқылы өмірден кеткен марқұмға соңғы сәтке дейін қолдау білдірген «Иегова куәгерлерінің» белсендісі – Юрий Мельниковұа да назар аударды. Бізге оның әрекеті жеке құқықтық баға алуы тиіс деп айтты.

Құдайды сатпау

Виталий Бодиннің өлімінен кейін бірнеше сағат өткен соң, аты-жөнін көрсетпеген адам редакцияға марқұмның соңғы сөздері жазылған үнжазбаның мағынас түсті. Болжам бойынша, Виталий өмір сүру үшін діни көзқарастардан бас тартуға көндіріп баққандарға өз ұстанымын түсіндірген.

Виталийдің әдеби нұсқадағы бірнеше сөздері (науқас ауыр жағдайда реаниацияда жатты):

«1996 жылы менің анам «Иегова куәгерлері» ұйымына қабылданды. 2010 жылдың көктемінде мен шоқынбаған Иегова куәгеріболдым және уағыз оқи бастадым. Осыған дейін мен анаммен бірге немесе жеке жиындарға қатыстым. Құдай жөнінде Тауратты оқи отырып, алған білімдердің арқасында бұл ақиқат және Құдай талап еткен қағидалармен өмір сүру қажет деген қорытындыға келдім. Егер маған қан құйса онла мен Құдайды сатып жіберетінімді білемін және әріқарай бұл оймен өмір сүре алмаймын. Мен Тихорецкий жиынына қатысамын. Юрий Мельниковты өзімнің досым және шіркеу бойынша ағам деп санаймын. Ол мен үшін алаңдайды, сол себепті ол ауруханаға келді. Мен дәрігерлерге ауру тарихында қан құюдан бас тарту жөнінде жазып бердім. Менің таңдауым саналы. Мені анам қолдайды, дегенмен ағам мен әкем қайғы шегеді, бірақ мен оның орнында болса, дәл осылай істер едім.

Мен 2011 жылдың жазына қарай жазда шоқынуға бел будым.

Иегованың кез келген куәгері менің орнымда осы қадамға барар еді...»

Иеговалық Петербург

Петербургте кезекті бұл оқиғаның пайда болуы кездейсоқ емес екендігін айту керек. Бұл қалада «Ресейдегі «Иегова куәгерлері» басқару орталығы» сәтті қызмет етіп келеді. Ол Петербургтің Курортный ауданының Солнечный поселкесінде орналасқан және үлкен аумақты алып жатыр. Бірнеше жыл бұрын бір американдық азамат мемлекетттен бұл жерді сатып алды. Бұған дейін ол жақты жазғы балалар балабақшасы болған.

Бұл орталықтың мекен-жайына әртүрлі елдерден «Иегова куәгерлері» көзқарасын насихаттайтын көптеген әдебиеттердің жиынтығы келеді. Біздің мәліметтер бойынша, бұл әдебиеттер Петербургтен әріқарай Ресейдің және ТМД елдерінің өзге қалаларына таратылады.

Петербургтің өзінде қазір «Иегова куәгерлерінің» кем дегенде 6 діни тобы жұмыс жасайды. Олардың жақтаушылары тым көп. Өйткені бұл конфессия айтарлықтай миссионерлік белсенділігімен ерекшеленеді.

Құжаттама

Петербургтік дәрігерлер ауыр операция қажет болған жағдайда науқастың өз діни-нанымдарын алға қоя отыра, бас тарту әрекеттерімен айтарлықтай жиі кездесуге мәжбүр болып отыр. Мұндай науқастар «Иегова куәгерлері» ұйымының мүшелері саналады.

Дәрігерлер мұндай жағдайда екі оттың арасында қалады: олар науқасқа өзінің немесе оның заңды өкілдерінсіз (егер науқас кәмелеттік жасқа толмаса) рұқсатынсыз қан құя алмайды. Бірақ науқасқа көмек көрсетпегені үшін қылмыстық жауапкершілік қарастырылған. Петербургте қалыптасқан тәжірибе бойынша дәрігерлер сотқа жүгінуіне тура келеді. Егер науқас кәмелеттік жасқа толмаса, онда дәрігерлерге пайдасына үкім шығады, ал егер кәмелеттік жасқа толса, онда науқастың пайдасына шешіледі.

Қарапайым сөзбен айтқанда, петербургтік соттар ата-аналарының діни көзқарастары олардың балаларының денсаулығына қауіп төндірмеу керек деп санайды, бірақ егер адам ересек болса, онда ол өзінің өмірі мен денсаулығына қатысты шешімдерді өзі қабылдауы тиі дедйі.

Мемлекет пен «Иегова куәгерлері» арасындағы қатынас бір жақты емес. Мысалы, осы жазда адам құқықтары бойынша Еуропалық сот Мәскеудегі «Иегова куәгерлері» қоғамын таратуды заңсыз деп танып, зардап шеккендерге 70 мың еуродан төлеуге міндеттеді. «Эхо Москвы»-дің хабарлауынша, «Иегова куәгерлері» ұйымының қызметін тоқтату жөніндегі талап арызды 1995 жылы «Құтқару комитеті» үкіметтік емес ұйымы беріпті. 2001 жылдың наурызында Мәскеу аудандық соты діни қауымды таратып жіберді және оның қызметін тоқтатты. Ұйымды айыпты деп таныды жекелей алғанда діни ұйымға кәмелетттік жасқа толмағандарды ата-анасының рұқсатынсыз және өз еркіне қарамастан тартты деп кінә тақты. Алайда Страсбург соты тарату шешімі қажетті нақтты деректерге негізделмеген деп шешті.

Константин Шмелев